Didda Jónsdóttir hefur sent frá sér ljóðabókina Lastafans og lausar skrúfur (1995), skáldsöguna Ertu (1997), hetjusöguna Gullið í höfðinu (1999) og bókina Hamingja (2021). Ljóð og greinar eftir Diddu hafa birst í ýmsum tímaritum. Nýverið gaf hún út lagið „Til hvers er ég?“ sem hún flutti ásamt Ryan Carlsson Van Kriedt og var sýnt á RÚV skömmu fyrir söfnunarþátt SÁÁ. Didda samdi textann og söng en áður hefur hún samið texta fyrir ýmsar hljómsveitir. Sá þekktasti er eflaust textinn við lagið „Ó, Reykjavík, ó, Reykjavík“ sem hljómsveitin Vonbrigði flutti. Didda fékk Edduverðlaunin fyrir hlutverk sitt í mynd Sólveigar Anspach, Stormviðri, sem frumsýnd var 2003.