Valeyrarvalsinn
| Gerð | Útgáfuár | Síður | Verð | Magn | |
|---|---|---|---|---|---|
| Hljóðbók - streymi | 2021 | App | 1.290 kr. | ||
| Innbundin | 2011 | 165 | 3.100 kr. | ||
| Rafbók | 2011 | 990 kr. |
| Gerð | Útgáfuár | Síður | Verð | Magn | |
|---|---|---|---|---|---|
| Hljóðbók - streymi | 2021 | App | 1.290 kr. | ||
| Innbundin | 2011 | 165 | 3.100 kr. | ||
| Rafbók | 2011 | 990 kr. |
Um bókina
Kata hjólar út í Samkomuhús því kórinn hennar heldur tónleika á Valeyri í kvöld. Jósa setur gamlar bekkjarmyndir á Facebook en Sidda hlustar á Andrés á safninu segja margþvældar sögur meðan hún bíður eftir Kalla sínum sem hefur tafist í hlöðunni þar sem hann gerir við aflóga þvottavélar. Smyrill skáld reynir að yrkja, séra Sæmunur tekst á við öfl ljóss og myrkurs, hjónin í Valeyrarvinnslunni talast ekki við í dag, Ásta veit ekki hvort það voru reimleikar sem hún upplifði í nótt en Lalli lundi reynir að rifja upp af hverju hann fór í göngutúr…
Valeyrarvalsinn er hrífandi og margradda skáldverk þar sem sextán sögur fléttast saman, kallast á, botna hver aðra og skarast margvíslega enda gerast þær allar á sömu tveimur mínútunum í litlu þorpi. Þetta eru sögur um mannfólkið og það sem kemur fyrir það, sögur um ástir og afglöp og fjölskyldutengsl og öll leyndarmálin, alkunn og djúpt grafin. Persónur, atvik og kenndir kvikna til lífs og tónlistin umvefur allt í ómótstæðilegum texta Guðmundar Andra Thorssonar sem hefur aldrei skrifað betur.
Bókin var tilnefnd til Bókmenntaverðlauna Norðurlandaráðs og hefur komið út í nokkrum löndum.
ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.
Hljóðbókin er 5 klukkustundir og 37 mínútur að lengd. Höfundur les.
6 umsagnir um Valeyrarvalsinn
Nanna Rögnvaldardóttir –
„Það sem einkennir þessa bók helst er hlýjan og væntumþykja höfundar gagnvart sögupersónum sínum – jafnvel þeim misheppnuðu … Valeyrarvalsinn er fyrst og fremst mjög mannleg bók um einstaklinga og það samfélag sem þeir mynda.“
Ásdís Sigmundsdóttir / Víðsjá
Nanna Rögnvaldardóttir –
„Mjög eftirminnilegt verk, Valeyrarvalsinn – það er örugglega mjög úthugsað, samspil sagnanna innbyrðis, vísanir í tónlist, etc., en bestur er hugurinn.“
Illugi Jökulsson / pressan.is
Nanna Rögnvaldardóttir –
„… hann fangar ímyndunaraflið, hreinlega kveikir á skilningarvitunum. Valeyrarvalsinn er yndislestur spjaldanna á milli.“
Jón Agnar Ólason / Morgunblaðið
Nanna Rögnvaldardóttir –
„… hér fer höfundur sem ann viðfangsefni sínu, daglegu spani hversdagsfólks sem lætur lítið yfir sér, stendur ekki í stórræðum, guðsbörnum sem skapari þeirra meðhöndlar af skilningi og hlýju þó brestir séu lagðir fyrir okkur og skýrðir svo við skiljum þessi systkin okkar í þorpinu.“
PBB / Fréttatíminn
Nanna Rögnvaldardóttir –
„Þetta er fallegt, mannlegt, hlýtt og mjúklega stílað verk hjá Guðmundi Andra – sannarlega yndislestur.“
Ingi Freyr Vilhjálmsson / DV
Nanna Rögnvaldardóttir –
„Undurfalleg saga, sem ilmar af sól og seltu og mannlegri þrá.“
Þórunn Hrefna Sigurjónsdóttir / Fréttablaðið