Réttarhöldin eftir Franz Kafka er meðal þekktustu skáldsagna seinustu aldar, jafnvel þótt höfundurinn hafi ekki lokið við að skrifa hana. Hún kom fyrst út 1925, ári eftir dauða hans.

Þrítugur bankamaður er óvænt kvaddur fyrir dularfullan dómstól og á að svara til saka sem hann veit ekki hverjar eru. Viðureign hans við fjarlægt valdið er öðrum þræði brosleg en um leið óhugnanleg; nútímamaðurinn stendur einn og ráðþrota andspænis óskiljanlegri veröld þar sem óþekkt lögmál ríkja.

Ástráður Eysteinsson og Eysteinn Þorvaldsson þýddu þessa víðfrægu sögu sem kom upphaflega út á íslensku árið 1983, endurskoðuð gerð var gefin út 1995 og nú hefur Ástráður á ný yfirfarið þýðingu þeirra feðga og skrifað nýjan eftirmála.

ATH. Spurt og svarað um rafbækur.