Vinirnir Gabríel, Hreinn og María hittast aftur í draumalandinu ellefu árum eftir fyrstu heimsókn þeirra þangað. Þau standa nú frammi fyrir nýrri áskorun þar sem Gabríel situr fastur í draumalandinu og þráir ekkert heitar en að snúa aftur heim í faðm fjölskyldu sinnar. Það reynist aftur á móti snúið, því hann er undir álögum huldufólksins og þau vilja alls ekki hleypa honum til baka.
Munu vinir og fjölskylda Gabríels finna leið til þess að endurheimta hann? Eða mun Gabríel þurfa að sætta sig við örlög sín og vera í draumalandinu um ókomna tíð?