8 umsagnir um Aprílsólarkuldi

1. embla – 16. mars 2021

   

   „Mögnuð verðlaunabók um maníuna, ástina, föðurinn og móðurina sem bregður upp magnaðri svipmynd af meira en 40 ára gamalli Reykjavík.“
   Ásgeir H. Ingólfsson / Stundin

2. embla – 8. febrúar 2021

   

   „Stíllinn er einstakur en á sama tíma einfaldur og flæðir fallega áfram. Hvert orð skiptir máli á sama tíma og engu orði er ofaukið. Elísabet hlaut Íslensku bókmenntaverðlaunin fyrir bókina og verða þau að teljast verðskulduð.“
   Ragnhildur Þrastardóttir / Morgunblaðið

3. embla – 14. desember 2020

   

   „Ljóðræn og manneskjuleg saga sem lætur lítið yfir sér í fyrstu en býr yfir mögnuðum galdri.“
   Guðrún Baldvinsdóttir / Fréttablaðið

4. embla – 4. desember 2020

   „Í Aprílsólarkulda tekst Elísabet Jökulsdóttir á við föðurmissi, ástina og geðhvörf. Þetta er sjálfsævisögulegt verk um glímu við fortíðina þar sem sambandsleysi, söknuður, bóhemlíf og óheftur sköpunarkraftur takast á og leiða til mikilla átaka innan sem utan líkamans. Hér er skáldskapur á ferð sem veitir innsýn í heim níunda áratugarins um leið og hann fjallar um leitina að sjálfsskilningi, ást og umhyggju.“
   Umsögn dómnefndar / Fjöruverðlaunin

5. embla – 4. desember 2020

   „Aprílsólarkuldi er tilfinningarík og ljóðræn frásögn um föðurmissi, ást, sorg og geðveiki. Næmni Elísabetar Jökulsdóttur sem sést hefur í ljóðum hennar skilar sér í vel í skáldsagnaforminu.“
   Umsögn dómnefndar / Íslensku bókmenntaverðlaunin

6. embla – 5. nóvember 2020

   „Hún hefur skrifað mjög mikið út frá persónulegri reynslu en þetta er heillegri mynd en maður hefur fengið af Elísabetu.“
   Egill Helgason / Kiljan

7. embla – 5. nóvember 2020

   „Það koma rosalega skýrar og flottar myndir, sem eru ljóðrænar í bókinni … Það koma ljóðleiftur inn í textann sem eru alveg dásamleg.“
   Sunna Dís / Kiljan

8. embla – 5. nóvember 2020

   „Það er svo gaman að sjá hana stíga inn í form sem hún hefur fullkomið vald á.“
   Þorgeir Tryggvason / Kiljan

Lesa fleiri umsagnir