Frægur áhrifavaldur finnst látinn á einu af fínustu hótelum Stokkhólms. Var um að ræða kaldrifjað morð eða afleiðingar kynlífsleiks sem hafði gengið of langt?

Fyrrverandi samstarfskona Fabians Risk, Malin Rehnberg, sér um rannsókn málsins en nýráðinn yfirmaður hennar beitir hana þrýstingi að einbeita sér heldur að yfirstandandi manssalsrannsókn.

Annað morð flækir málin. Geta verið tengsl á milli fórnarlambanna? Eða eru þessi morð hluti af enn stærra máli? Og hvað með eltihrellinn sem sífellt skýtur upp kollinum við rannsóknina?

Bækur sænska verðlaunahöfundarins Stefans Ahnhems um Fabian Risk þykja með allra bestu glæpasögum síðari ára. Þær eru margverðlaunaðar og hafa selst í milljónum eintaka. Hér er fyrrverandi samstarfskona Fabians úr bókinni Níunda gröfin í aðalhlutverki.