Bandaríkjamaðurinn vill fá hundrað milljónir dala.

Þessi staka setning berst leyniþjónustu Bandaríkjanna frá írönskum njósnara í Hamborg árið 1996 en meira er ekki vitað. Ekki hver Bandaríkjamaðurinn er. Ekki fyrir hvað hann vill fá peningana eða frá hverjum.

Jack Reacher er nýkominn úr leyniför til Evrópu sem gekk svo vel að honum er veitt orða fyrir sérstaklega lofsverða breytni í þágu lands og þjóðar. Síðan er hann sendur í endurmenntun. Í bekknum eru bara tveir aðrir nemendur, annar frá FBI og hinn frá CIA. Og verkefnið? Að finna Ameríkanann og það sem hann er að selja.

Í Á byrjunarreit rifjar Reacher upp gamla hermannatakta, með sinn trygga liðþjálfa, Frances Neagley, sér við hlið. Sögusviðið er nýsameinað Þýskaland að kalda stríðinu afloknu, fullt af bandarískum hermönnum að aðlagast nýrri heimsmynd og heimamönnum með stóra drauma og strangar reglur.

Bjarni Gunnarsson þýddi.

Verð áður: 3.490 kr.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er 12 klukkustundir og 39 mínútur að lengd. Hinrik Ólafsson les.