Helga Guðrún Johnson (f. 1963) var um árabil frétta- og dagskrárgerðarmaður á Stöð 2. Í samvinnu við Sigurveigu Jónsdóttur hefur hún skrifað nokkrar bækur tengdar atvinnulífinu, þar á meðal Á flugi, áfangar í sögu Flugleiða (2004) og Saga Símans í 100 ár (2006). Þær Sóley Eiríksdóttir skrifuðu saman Nóttina sem öllu breytti – Snjóflóðið á Flateyri árið 2016. Helga Guðrún er lipur ævisagnaritari, hún skrifaði ævisögu Lydiu Pálsdóttur Einarsson, Lífsganga Lydiu með Guðmundi frá Miðdal, árið 1992 og áhrifamikla sögu þriggja kynslóða kvenna, Saga þeirra, sagan mín sem fjallar um Katrínu Stellu Briem, móður hennar Stellu Briem og ömmu, Katrínu Thorsteinsson. Sú bók kom út árið 2014 og var tilnefnd til Fjöruverðlaunanna sama ár.