Fallin spýta er fjörleg barnasaga sem geislar af lífsgleði. Höfundur hennar, Kristín Steinsdóttir, er löngu kunn af ritsmíðum sínum og leikritum. Hún hlaut Íslensku barnabókaverðlaunin 1987 fyrir söguna Franskbrauð með sultu, en þessi saga er sjálfstætt framhald hennar.

Sem fyrr gerist sagan í kaupstað á Austfjörðum árið 1955. Foreldrar söguhetjunnar, Lillu, þurfa óvænt að fara til útlanda og hún er send frá Reykjavík til ömmu sinnar og afa á Austfirði. Þar bíða gamlir og nýir leikfélagar og ævintýrin eru á næsta leiti eins og spennandi kaflaheiti bókarinnar gefa til kynna: Flugferðin, Skólinn, Lús, Svarta höndin, Á sleða, Snjókast, Jólin, Barnaball, Bolludagur og Sólarkaffi.

Það er óhætt að mæla með þessari skemmtilegu og vel skrifuðu barnabók sem byggir á íslenskum veruleika og veitin innsýn í líf og leiki barna á sjötta áratugnum.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er 2 klukkustundir og 58 mínútur að lengd. Höfundur les.