Þú ert hér://Þjáningarfrelsið – Óreiða hugsjóna og hagsmuna í heimi fjölmiðla

Þjáningarfrelsið – Óreiða hugsjóna og hagsmuna í heimi fjölmiðla

Höfundar: Auður Jónsdóttir, Bára Huld Beck, Steinunn Stefánsdóttir

Flestir eru sammála um mikilvægi fjölmiðla og ekki að ástæðulausu að þeir eru stundum kallaðir fjorða valdið. Samt blasir við að íslenskir fjölmiðlar eiga erfitt uppdráttar; þurfa að spjara sig án styrkja eða annarra ívilnanana frá hinu opinbera, lúta valdi eigenda og hafa lítið bolmagn til að sinna rannsóknum.

Þjáningarfrelsið – Óreiða hugsjóna og hagsmuna í heimi fjölmiðla geymir skoðanir og hugleiðingar fimmtíu manns úr faginu um þetta mikilvæga málefni. Hér er fortíðin skoðuð, samtímanum lýst, áskoranir greindar og varpað fram stórum spurningum sem verða vonandi efni í frjóa umræðu.

Höfundarnir þrír hafa allir stundað skrif og blaðamennsku. Rithöfundurinn Auður Jónsdóttir hefur verið viðloðandi ýmis blöð síðan hún var um tvítugt og stóð nýlega í málaferlum vegna ákæru um meiðyrði; Bára Huld Beck er heimspekingur og blaðamaður; Steinunn Stefánsdóttir var blaðamaður og ritstjóri en starfar nú við skriftir og þýðingar.

Frá 2.690 kr.

Gerð SíðurÚtgáfuárVerðMagn
Mjúkspjalda 456 2018 Verð 2.690 kr.
Rafbók - 2018 Verð 3.490 kr.

8 umsagnir um Þjáningarfrelsið – Óreiða hugsjóna og hagsmuna í heimi fjölmiðla

  1. Eldar

    „Hér úir og grúir af áhugaverðum viðmælendum með innsæi á málið frá mismunandi sjónarhornum. Þetta er svona bók sem maður getur gripið niður í hvar sem er og lesið einn kafla í einu. Ég stend mig líka að því að lesa aftur sömu kaflana því ég finn hvað viðfangsefnið er mikilvægt og áhugavert og þá sérstaklega séð með augum þeirra sem brenna fyrir því.“
    Jónas Sigurðsson, tónlistarmaður

  2. Eldar

    „Mæli með Þjáningarfrelsinu. Mikilvæg bók.“
    Arndís Þorgeirsdóttir / fv. fréttastjóri á Fréttablaðinu og blaðamaður DV

  3. Eldar

    „Ég ætla að lesa þessa bók upp til agna (…) Það sem ég hef lesið nú þegar hefur nært huga minn.“
    Sunna Ósk Logadóttir / Morgunblaðið

  4. Eldar

    „Ég var að ljúka við að lesa þessa mikilvægu bók. Hún er dásamlega kaótísk en kjarnar íslenskt fjölmiðlaumhverfi ótrúlega vel í gegnum frásagnir ólíku viðmælendanna sem rætt er við í bókinni og pistlana sem í henni eru.“
    Þórður Snær Júlíusson / Kjarninn

  5. Eldar

    „Það er einstaklega áhugavert og spennandi að lesa um upplifun annarra blaðamanna af starfinu og mjög upplýsandi að átta sig á ýmsu er á sér stað bak við tjöldin. Bókin er mjög skemmtilega skrifuð og uppsett.“
    Steingerður Steinarsdóttir, ritstjóri / Vikan

  6. Eldar

    „Afskaplega áhugaverð, allar 456 blaðsíðurnar.“
    Björn Þór Sigurbjörnsson / Morgunvaktin, RÚV

  7. Eldar

    „Mósaík af tíðaranda“
    Arnar Tómas Valgerisson / Morgunblaðið

  8. Eldar

    „Erindið er brýnt og þrátt fyrir að bróðurparturinn sé sögur úr samtímanum mun innihaldið eflaust eldast vel.“
    Snæbjörn Brynjarsson / Stundin

Skrifa umsögn

Netfang þitt verður ekki birt. Nauðsynlegir reitir eru merktir *

Eftir sömu höfunda