„Eitt dýr í skógi er betra en tvö í búri.“
Sólveig Boer 2003
Kvikmyndagerðarmaðurinn Ásbjörn Axel tekur að sér að hafa uppi á íslenskri baráttukonu fyrir réttindum dýra sem ekkert hefur spurst til síðan hún sat í fangelsi í Hollandi fyrir skemmdarverk. Leitin leiðir hann á vafasamar slóðir í litríkum félagsskap dýraréttindasinna í Evrópu og smám saman missir hann tökin bæði á verkefninu og sjálfum sér.
Sláturtíð er meinfyndin og spennandi ferðasaga sem kemur lesandanum stöðugt á óvart og veltir jafnframt upp ýmsum hliðum á brýnu samfélagsmálefni.
Gunnar Theodór Eggertsson hefur hlotið verðlaun og viðurkenningar fyrir barna-og unglingabækur sínar Steindýrin og Drauga- Dísu en nú er komið að því að hann bjóði fullorðnum lesendum í óvenjulega ævintýra-ferð. Gunnar skrifaði doktorsritgerð sína um bókmenntir og dýrasiðfræði.
Arnar –
„Gunnari Theódóri hefur hér tekist að skrifa skemmtilega og í senn nístandi skáldsögu um áhugavert viðfangsefni sem er fengur fyrir þá sem láta sig velferð dýra, og manna, varða.“
Brynhildur Björnsdóttir / Fréttablaðið