Þegar rithöfundurinn Owen Quine gufar upp kallar kona hans á einkaspæjarann Cormoran Strike til að upplýsa málið. Hann hefur áður látið sig hverfa í nokkra daga og hún vill bara að hann komi aftur heim. Strike kemst fljótt að því að Quine hafði nýlokið við handrit að eldfimri bók sem mun leggja líf margra í rúst og því er það ýmsum kappsmál að ekkert verði af útgáfunni. Og þegar afskræmt lík Quines finnst við ógnvekjandi kringumstæður fer allt á fleygiferð; Strike þarf að reyna að átta sig á hvað liggur að baki hryllilegu athæfi miskunnarlauss morðingja … Mögnuð glæpasaga sem kemur stöðugt á óvart.

Robert Galbraith er höfundarnafnið sem metsöluhöfundurinn J.K. Rowling notar á bækur sínar um ævintýri hins sérstæða einkaspæjara Cormorans Strike. Bækurnar hafa selst í milljónum eintaka víða um heim. Brontë Film and Television hefur framleitt vandaða og vinsæla sjónvarpsþætti um Strike fyrir BBC og HBO.

Uggi Jónsson þýddi.