Pabbi sneri aftur á öðrum degi. Hann var með fingur í eyra vínkúts, sveiflaði honum lítillega og flautaði lag til að undirstrika að hann viðurkenndi ekki nærveru mína.

Bókin segir frá unglingspilti sem dvelur eitt sumar með föður sínum, þekktum listmálara og erfiðum í umgengni, í suðrænni borg. Dvölin verður afdrifarík fyrir þá báða. Áratugum síðar snýr sonurinn aftur í fylgd uppkominna barna sinna og rifjar upp þetta einkennilega sumar á framandi stað, undir brennandi sól. Sumarið þegar leiðir skildi.

Villisumar er snörp og heillandi saga og hér sýnir Guðmundur svo ekki verður um villst að hann hefur frábært vald á skáldskap, stíllinn er myndrænn og meitlaður og frásögnin listilega fléttuð.

Kápan á Villisumar er úr strigaefni. Höfundurinn tók sig til og málaði á allt upplagið og því eru engar tvær bækur eru eins.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er 2 klukkustundir og 45 mínútur að lengd. Hjörtur Jóhann Jónsson les.