Undur Mývatns – um fugla, flugur, fiska og fólk
| Gerð | Útgáfuár | Síður | Verð | Magn | |
|---|---|---|---|---|---|
| Mjúk spjöld | 2017 | 183 | 2.990 kr. | ||
| Hljóðbók - streymi | 2020 | App | 1.990 kr. |
Undur Mývatns – um fugla, flugur, fiska og fólk
1.990 kr. – 2.990 kr.
Bæta á óskalistaEr á óskalista Bæta á óskalista
| Gerð | Útgáfuár | Síður | Verð | Magn | |
|---|---|---|---|---|---|
| Mjúk spjöld | 2017 | 183 | 2.990 kr. | ||
| Hljóðbók - streymi | 2020 | App | 1.990 kr. |
Um bókina
Má bjóða þér með í ævintýralega náttúruskoðun?
Í þessari heillandi bók leiðir Unnur Jökulsdóttir okkur um undraheima Mývatns og Mývatnssveitar. Hún sýnir okkur fjallahringinn og útskýrir hvernig stórbrotið landslagið varð til, tekur þátt í fuglatalningu, fylgist með æsilegu lífshlaupi húsandarinnar, vitjar um varpið og veiðir gjáarlontur með heimafólki, rýnir í mýflugnasverma og örsmáar vatnaverur, minnist kúluskítsins sem áður einkenndi vatnsbotninn og segir frá silungsveiði og veiðibændum.
Öllum þessum undrum lýsir Unnur á einstaklega lifandi hátt, með væntumþykju, forvitni og brennandi áhuga að leiðarljósi. Vatnslitamyndir eftir Árna Einarsson og Margaret Davies prýða bókina.
Unnur Jökulsdóttir hefur skrifað vinsælar bækur um náttúru, fólk og ferðalög, ýmist ein eða með öðrum. Íslandsbækur hennar hafa flestar komið út á fleiri tungumálum en íslensku.
ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.
Hljóðbókin er 5 klukkustundir að lengd. Höfundur les.
Hér má hlusta á fyrsta kafla hljóðbókarinnar:
5 umsagnir um Undur Mývatns – um fugla, flugur, fiska og fólk
Eldar –
„Einstætt listaverk sem fer í draumkennda ferð og miðlar fræðilegri þekkingu með ástríðu fyrir lífskraftinum og persónulegri sýn á það sem fyrir augu ber, jafnt óvægna grimmd sem blíðustu fegurð.“
Dómnefnd Íslensku bókmenntaverðlaunanna 2017
Árni Þór –
„Lesandi sér og skynjar töfra staðarins gegnum augu höfundar en hún er fróðleiksfús fastagestur sem vill vita allt stórt og smátt um náttúruna og lífið við vatnið … Bókin er þannig byggð á fræðilegum grunni en miðlað af leikmanni með næmt fegurðarskyn og djúpa virðingu fyrir náttúrunni. Niðurstaðan verður læsileg bók, skrifuð af ástríðu og hrifningu, þar sem rétt er farið með staðreyndir en þannig um þær búið að allir geta haft af þeim gagn og gaman. Látlausar og fallegar vatnslitamyndir eftir Árna Einarsson og Margaret Davies prýða bókina.“
Dómnefnd Fjöruverðlaunanna
Árni Þór –
„Þetta er merkileg bók. Persónuleg um leið og hún þræðir stigu þjóðmenningar, sveitalífs og náttúruvísinda af miklu innsæi og virðingu með hrífandi sögum, lýsingum og skýringum á því sem fyrir skilningarvitin ber. Vottar landinu okkar virðingu, fólkinu og sögum þess. … Þessi litla fagra bók á stórt erindi …“
Stefán Jón Hafstein / Kjarninn
Árni Þór –
„Frábær bók fyrir alla náttúruunnendur!“
Dagný Berglind Gísladóttir / Í boði náttúrunnar
Árni Þór –
„Dásamlegt listaverk … ein fallegasta bók sem út hefur komið hér á landi. Texti Unnar er aðgengilegur og skemmtilegur … Fugla- og blómamyndirnar í bókinni eru einstakar og það er því hægt að njóta hennar á svo ótalmarga vegu.“
Steingerður Steinarsdóttir / Vikan