Jess er einstæð móðir sem sleit öllu sambandi við Adam, kærastann sinn, aðeins mánuði eftir að sonur þeirra fæddist, uppgefin á ábyrgðarleysi hans gagnvart föðurhlutverkinu.

Tíu árum seinna verður hún að horfast í augu við þá staðreynd að sonur hennar þarfnast föður síns. Saman fara mæðginin í sumarfrí til Frakklands þar sem Adam rekur fjölskylduhótel og tekur á móti þeim með pompi og prakt. Þar drífur ýmislegt á dagana … og óvænt atvik verða til þess að sumt fer öðruvísi en ætlað er.

Þú og ég og allt hitt er einlæg og hrífandi saga sem sýnir hve langt við erum tilbúin að ganga fyrir þá sem eru okkur kærastir. Saga sem vekur hlátur jafnt sem grát og líður engum úr minni.

Catherine Isaac hefur áður gefið út níu metsölubækur undir nafninu Jane Costello. Hér kveður við nýjan tón hjá henni sem varð til þess að hún ákvað að breyta höfundarnafni sínu. Bókin sló samstundis í gegn meðal lesenda og útgáfurétturinn hefur þegar verið seldur til meira en tuttugu landa, auk þess sem til stendur að kvikmynda söguna.

Halla Sverrisdóttir þýddi.