Fáir nútímahöfundar eru íslenskari en Einar Kárason, og tilfinning hans fyrir kostum og kenjum þjóðar sinnar er óborganleg. Hér er hann nær en oft áður þeirri göldróttu munnlegu frásagnarlist sem Íslendingar hafa löngum stundað: átta „þættir af einkennilegum mönnum“ geyma yfirlætislausar svipmyndir af kostulegum karakterum og mynda umgjörð um níu smásögur sem eru lengri að gerð. Allar sýna þær fjölhæfni og öryggi höfundar. Sumar fjalla um aulagang og neyðarlegar uppákomur, aðrar eru hlýlegar lýsingar á hrjúfum náttúrubörnum, nokkrar geyma snöggt hnífsbragð hinna óvæntu endaloka – og enn aðrar eru blátt áfram drepfyndnar.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

ATH. Spurt og svarað um rafbækur.