Svik
| Gerð | Útgáfuár | Síður | Verð | Magn | |
|---|---|---|---|---|---|
| Innbundin | 2018 | 390 | 3.390 kr. | ||
| Rafbók | 2018 | 990 kr. | |||
| Hljóðbók - streymi | 2018 | App | 1.990 kr. |
| Gerð | Útgáfuár | Síður | Verð | Magn | |
|---|---|---|---|---|---|
| Innbundin | 2018 | 390 | 3.390 kr. | ||
| Rafbók | 2018 | 990 kr. | |||
| Hljóðbók - streymi | 2018 | App | 1.990 kr. |
Um bókina
„Eftir á að hyggja var það loforðið sem Úrsúla gaf á fyrsta degi í embætti sem varð henni að falli.“
Úrsúla er nýlega flutt til Íslands eftir áralöng störf á hættusvæðum heimsins. Rólegt hversdagslífið í Reykjavík hentar henni engan veginn, svo að hún grípur fegins hendi óvænt boð um að taka sæti í ríkisstjórn landsins: þar getur hún aftur látið til sín taka!
En stjórnmálin eru refskák og fjölmiðlar vaka yfir hverju fótmáli nýja ráðherrans. Við bætist að gamall útigangsmaður eltir hana á röndum og virðist vilja vara hana við yfirvofandi hættu. Getur verið að hann búi yfir vitneskju sem ógnar einhverjum í innsta hring? Svik er hröð og hörkuspennandi saga um völd og valdaleysi, ofbeldi og þöggun; um að bregðast trausti og svíkja gefin loforð.
Lilja Sigurðardóttir hefur slegið í gegn með spennusögum sínum og þríleikurinn Gildran, Netið og Búrið kemur um þessar mundir út víða um lönd. Gildran var nýlega tilnefnd til breska Gullrýtingsins sem eru ein virtustu glæpasagnaverðlaun heims.
ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.
Hljóðbókin er um 7 klukkustundir að lengd. Höfundur les.
Hér má hlusta á fyrsta kafla streymishljóðbókarinnar:
9 umsagnir um Svik
gudnord –
„Þetta er besta bók Lilju sem ég hef lesið.“
Kolbrún Bergþórsdóttir / Kiljan
Arnar Tómas –
„Vel skrifuð spennusaga sem heldur lesandanum við efnið með vel uppbyggðri fléttu og áhugaverðum persónum.“
Brynhildur Björnsdóttir / Fréttablaðið
Arnar Tómas –
„Heldur lesandanum vel frá upphafi til enda.“
Jóhanna Sigurðardóttir
Arnar Tómas –
„Svik er sannfærandi, kraftmikil og áhugaverð spennusaga sem tekur á málefnum líðandi stundar og ætti ekki að svíkja lesendur sem vilja ef til vill hvíla hina hefðbundnu krimma en á sama tíma ekki segja alveg skilið við spennuna.“
Erla María Markúsdóttir / Morgunblaðið
Arnar Tómas –
„Frábær spennusaga sem heldur lesandanum föngnum frá fyrstu blaðsíðu. Lilja Sigurðardóttir er komin í fremstu röð íslenskra glæpasagnahöfunda.“
Viljinn
Arnar Tómas –
„Æsispennandi glæpasaga eftir Lilju Sigurðardóttur sem kann þá list að halda lesandanum föngnum.“
Jónína Leósdóttir
Elín Pálsdóttir –
„Hrífandi bók með hressandi söguhetju.“
Bergens Tidende (Um Gildruna)
Elín Pálsdóttir –
„Spennuþrunginn flettitryllir með afar óvanalegu plotti og áhugaverðum persónum.“
The Times (Um Gildruna)
Elín Pálsdóttir –
„Margslungið plottið er ótrúlega frumlegt, með algerlega óvæntum snúningum og beygjum. Tryllir ársins.“
New York Journal of Books (Um Gildruna)