Stærðfræði 3000: föll, markgildi og deildun, er ætluð nemendum í áfanga 403. Bókin er að hluta þýdd en einnig aukin efnisþáttum sem taka mið af nýrri námskrá. Guðmundur Jónsson, stærðfræðikennari við Menntaskólann í Kópavogi, annaðist þýðingu og gerð viðbótarefnis.

Stærðfræði 3000 er ætlað að þjálfa færni, skilning og öguð vinnubrögð. Gert er ráð fyrir því að nemendur hafi aðgang að grafískum reiknivélum og tölvum og er talsvert byggt á þessum hjálpartækjum.

Stærðfræði 3000 geymir fjölmargar skýringarmyndir af ýmsu tagi, auk þess mikinn fjölda dæma, verkefna, æfinga, prófa og þrauta og svör við öllum dæmum.