Spegilsónata eftir Þóreyju Friðbjörnsdóttur er áleitin og erótísk saga um það sem alltaf er en aldrei verður: Ævaforn lögmál sem hefðin horfir fram hjá, ástina sem neitar að deyja, syndina sem byltist í fylgsnum, fórnina sem skiptir sköpum.

Þetta er sagan um það sem býr á bak við spegilmyndina. Með einstæðum tökum á frásagnarhætti og stíl fjallar höfundur um miskunnarlausar en um leið ómótstæðilegar mótsagnir í lífi aðalpersónanna og glímu þeirra við gömul örlög. Hann segir sögu karls og konu sem leiðast um lífið á laun eins og tré sem flétta rætur djúpt í mold, söguna sem allir þekkja en enginn sér.

Þetta er fjórða skáldsaga höfundar og sú fyrsta fyrir fullorðna en Þórey hlaut Íslensku barnabókaverðlaunin fyrir Eplasnepla árið 1995.