Sextíu kíló af sólskini
| Gerð | Útgáfuár | Síður | Verð | Magn | |
|---|---|---|---|---|---|
| Innbundin | 2018 | 461 | 3.390 kr. | ||
| Kilja | 2019 | 461 | 2.990 kr. | ||
| Rafbók | 2018 | 990 kr. | |||
| Hljóðbók - streymi | 2019 | App | 1.990 kr. |
Sextíu kíló af sólskini
990 kr. – 3.390 kr.
Bæta á óskalistaEr á óskalista Bæta á óskalista
| Gerð | Útgáfuár | Síður | Verð | Magn | |
|---|---|---|---|---|---|
| Innbundin | 2018 | 461 | 3.390 kr. | ||
| Kilja | 2019 | 461 | 2.990 kr. | ||
| Rafbók | 2018 | 990 kr. | |||
| Hljóðbók - streymi | 2019 | App | 1.990 kr. |
Um bókina
„Og nú stóð hann hér, Eilífur, einn á breiðri snjóblæjunni, sveittur af angist og hugsaði: Þrjú kíló hveiti fyrir þetta? Þrjú kíló hveiti fyrir bú mitt, konu, börn og kú? Þrjú kíló hveit fyrir allt mitt líf? En þá heyrði hann allt í einu baulað undir fótum sér.“
Drengur sem bjargast fyrir kraftaverk hlýtur að eiga framtíð en það er eins og forlögin geti ekki gert upp við sig hver sú framtíð eigi að vera. Á hann að vera eftirlæti kaupmannsins á Fagureyri, þræll á framandi duggu eða niðursetningur hjá kotungum í Segulfirði?
Í stöðnuðu samfélagi torfaldar eru ekki fleiri möguleikar – en svo kemur síldin! Öreigar landsins sjá peninga í fyrsta sinn og allt breytir um svip.
Sextíu kíló af sólskini fjallar um mikla umbrotatíma í íslenskri sögu; hér segir af því þegar nútíminn sigldi til hafnar á Norðurlandi og Norðmenn námu landið öðru sinni. Saga sem bæði grætir og gleður.
ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.
Hljóðbókin er um átján klukkustundir að lengd. Höfundur les.
Hér má hlusta á fyrsta kafla streymishljóðbókarinnar:
15 umsagnir um Sextíu kíló af sólskini
embla –
„Stór og mikil skáldsaga, í anda mestu verka Nóbelsskáldsins, og hátindur á ferli höfundar fram til þessa. Dómnefnd var sammála um að hér væri spilað á stærri skala en í öðrum tilnefndum skáldsögum. Tilþrif í stíl og frásagnarlist eru mikil – og sama gildir um lestur höfundar, sem er fullur innlifunar og þróttmikill. Skáldsaga sem nær þeim sjaldgæfu hæðum að vera í senn framúrskarandi afþreying og einstakt listaverk, engu lík en þó kunnugleg og aðgengileg.“
Umsögn dómnefndar / Íslensku hljóðbókaverðlaunin
Arnar Tómas –
„Hallgrímur leikur sér að því að búa til persónur, atburði, sagnir og sögur svo úr verður skemmtilegur vaðall af skáldlegri sögu íslenskrar þjóðar á mörkum byltingar.“
Katrín Lilja / Lestrarklefinn
Arnar Tómas –
„Aldrei hefur Hallgrímur elskað persónur sínar heitar en hér í þessari bók, og kannski ræður það úrslitum um að honum hefur auðnast að skrifa meistaraverk…“
Guðmundur Andri Thorsson
Arnar Tómas –
„Takk Hallgrímur Helgason fyrir að minna okkur á að Sigló er ennþá nafli alheimsins og betri bókajóla er ekki hægt að óska sér.“
Jón Ólafur Björgvinsson / Trölli.is
Arnar Tómas –
„…mögnuð bók.“
Ásgeir H. Ingólfsson / Stundin
Arnar Tómas –
„Bókin er meistaraverk.“
Ólína Kjerúlf Þorvarðardóttir / Fréttablaðið
Arnar Tómas –
„Textinn er einfaldlega frábær á köflum, þrunginn myndum, óvæntum og nýstárlegum, svo hægt er að dunda sér lengi á síðunum og óhætt að mæla með að lesendur gefi sér dágóðan tíma til lestrarins.“
Hildigunnur Þráinsdóttir / Morgunblaðið
Arnar Tómas –
„Jú, lesandi er innblásinn og útblásinn eftir lesturinn, hefur notið orðaleiksins, öðlast innsýn og nýja sýn, kímt og viknað, fundið fyrir bullandi samlíðun og von. Það hlýtur jú að vera tilgangur allra góðra skáldverka.“
Steinunn Inga Óttarsdóttir / Víðsjá
Arnar Tómas –
„Einstaklega andrík og grípandi skrif, full af hugmyndaauðgi, hnyttni og myndvísi – Hallgrímur eins og hann gerist bestur.“
Halla Oddný Magnúsdóttir
Arnar Tómas –
„Aldrei hefur Hallgrímur elskað persónur sínar heitar en hér í þessari bók, og kannski ræður það úrslitum um að honum hefur auðnast að skrifa meistaraverk, sem ég kvaddi með mildum trega hér á einhverju hótelherbergi einhvers staðar í útlöndum, og get ekki beðið eftir næstu fimmhundruð síðum í þessari miklu frásögn.“
Guðmundur Andri Thorsson
Arnar Tómas –
„Mér finnst þetta vera besta bók Hallgríms til þessa.“
Egill Helgason / Kiljan
Arnar Tómas –
„Þetta er mergjað skáldverk, skemmtileg og skörp Íslandslýsing, bók um þessi aldahvörf þegar íslenskt alþýðufólk eignaðist loks vonir og drauma, þegar forneskjan og nútíminn mættust í boði norskra síldarspekúlanta í norðlenskum firði. Meitlaður og myndhlaðinn stíll Hallgríms Helgasonar nýtur sín mjög vel og beitt háðið, sem hann lætur dynja á þessari undarlegu, íslensku tregðu að nýta verkfæri nútímans í þágu venjulegs fólks. Þetta er lofsöngur um framfarahug og frjálslyndi – hvatning um að hleypa sólskininu inn.“
Óðinn Jónsson
Arnar Tómas –
„Ég táraðist við lesturinn.“
Sigurður Valgeirsson / Kiljan
Arnar Tómas –
„Skáldið dregst að Segulfirði og mögnuð saga gneistar á síðum þessarar dásamlegu bókar.“
Örlygur Kristfinnsson, stofnandi Síldarminjsafnsins
Arnar Tómas –
„Ein skemmtilegasta sögulega skáldsaga sem ég hef lesið. Hallgrími tekst að skrifa þjóðina út úr fjósbaðstofunni og inn í nútímann og hrífur lesandann með sér í leiðinni. Bókin er dramatísk, spennandi og fyndin, full af áhugaverðum persónum, safaríkum hetjusögum og tilvísunum í nútímann sem hitta beint í mark.“
Sigríður Hagalín