Uppskriftir að fjölbreyttu góðgæti þar sem hvorki er notaður unninn sykur, síróp, hunang eða annað slíkt né tilbúin sætuefni, heldur einungis ávextir. Í þeim er vissulega ávaxtasykur en einnig ýmis holl næringarefni og ljúffeng bragðefni.

• morgunkorn, grautar og súkkulaðijógúrt
• lummur og vöfflur
• kanilsnúðar og kryddbrauð
• rjóma- og súkkulaðitertur
• brúnkur, smákökur og múffur
• sætar sósur og ídýfur
• búðingar, panna cotta og ís af ýmsu tagi
• konfekt og alls konar girnilegt góðgæti

Nanna Rögnvaldardóttir hefur borðað nægju sína af viðbættum sykri fyrir lífstíð og sjálfsagt stuðlað að aukinni sykurneyslu með freistandi og vinsælum uppskriftum að kökum og ábætisréttum í hinum fjölmörgu matreiðslubókum sínum. Nú hefur hún snúið við blaðinu, er hætt sykurneyslu og hefur hér tekið saman girnilegar uppskriftir að ýmsu sætmeti – án sykurs.