Skáldsagan Riddarar hringstigans hlaut afbragðsviðtökur þegar hún kom út fyrst árið 1982. Hún vann til fyrstu verðlauna í bókmenntasamkeppni sem Almenna Bókafélagið efndi til og hefur síðan verið gefin út víða erlendis. Sagan sem er sú fyrsta í þríleik gerist í Reykjavík á 7. áratug 20. aldar í nýju hverfi, fullu af steypuryki, stillönsum, leyndardómum og börnum.

Sögumaður er ungur drengur, sannkallað barn í uppátækjum sínum og viðhorfum, en býr þó jafnframt yfir speki öldungsins. Bókin er í senn bráðfyndin og alvöruþrungin, barnsleg og spámannleg og markaði tímamót í íslendskri skáldsagnagerð.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er um 6 klukkustundir og 6 mínútur að lengd. Höfundur les.

Hér má hlusta á fyrsta kafla hljóðbókarinnar: