Orð af orði sameinar það að vera saga og sýnisbók íslenskra bókmennta frá upphafi til siðaskipta. Bókin er ætluð til kennslu í framhaldsskólum.

Reynt er að segja bókmenntasöguna á aðgengilegan og lipran hátt, beina sjónum að  meginatriðum sögunnar og draga fram það sem mestu máli skiptir fyrir skilning okkar á fornbókmenntunum. Bókmenntatextarnir sjálfir  eru valdir með hliðsjón af því að þeir sýni sem fjölskrúðugasta mynd af þeim arfi sem forfeður okkar og mæður létu eftir sig, og varpi skýru ljósi á þann hugmyndaheim sem mótaði líf þeirra.