Lengst úti á spegilsléttu hafi er undurfögur töfraeyja en þar búa Núi og Nía ásamt vinum sínum, í sátt og samlyndi. Á eyjunni er fjörugt líf, því ófyrirsjáanleg ævintýri gerast þar á hverjum degi.

Sjóræninginn heimtufreki, Stinni staurfótur, er jafnan ekki langt undan og dag einn komast Núi og Nía í hann krappan þegar sjóræninginn kemur siglandi á risaregnhlíf og reynir að stela skýi frá eyjaskeggjum.