Norma Ross stendur skyndilega ein uppi þegar móðir hennar lætur lífið á voveiflegan hátt. Missir hennar er mikill því þær voru ekki bara mæðgur heldur áttu þær saman vel falið leyndarmál. Á heimili móður sinnar finnur Norma ljósmyndir og vídeóupptökur sem opna augu hennar fyrir margslungnum sannleikanum um eigið líf og fortíðina og um tilveruna í heimi þar sem engum er að treysta. Þetta er myrk og dularfull fantasía um kvenlega fegurð, flókin fjölskyldubönd, óprúttin viðskipti og skipulagða glæpastarfsemi sem teygir anga sína víða.

Sofi Oksanen hefur hlotið mikla athygli og margháttuð verðlaun og viðurkenningar fyrir verk sín. Norma er fjórða bók hennar sem kemur út á íslensku í þýðingu Sigurðar Karlssonar.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er 8 klukkustundir og 8 mínútur að lengd. Svandís Dóra Einarsdóttir les.