Njáls saga hefur lifað með þjóðinni í sjö hundruð ár og sjaldan verið vinsælli en einmitt nú. Hér er hún gerð aðgengileg fyrir börn og unglinga í knappri og auðlæsilegri endursögn Brynhildar Þórarinsdóttur, sem þó kemur sögunni og stórbrotnum persónum hennar vel til skila. Bókin er prýdd glæsilegum myndum eftir Margréti E. Laxness og að auki yfir 60 ljósmyndum. Jafnframt eru í bókinni fjölmargir fróðleiksmolar um sögusvið Njálu og sögutímann.

Bókin gefur gott tækifæri til að kynna sagnaarfinn fyrir nemendum á grunnskólastigi og hefur höfundur tekið saman kennsluleiðbeiningar sem nálgast má á kennarsvæði Forlagsins.

Á vefnum er fræðsluvefur um miðaldarbókmenntir fyrir krakka og kennara.  Þar má nálgast ýmis verkefni og frekari fróðleik um Njálu.