Ungur Reykvíkingur fær þá flugu í höfuðið að ganga eftir endilöngum Kínamúrnum. Hann sækir einkatíma í kínversku, kaupir sér viðlegubúnað, kveður kærustuna og leggur síðan af stað. En það eru ekki liðnir margir dagar í nýju landi þegar það fara að renna á hann tvær grímur. Framundan er tæplega 3000 kílómetra krefjandi ferðalag.

Huldar Breiðfjörð sló rækilega í gegn árið 1998 með ferðasögunni Góðir Íslendingar. Hann fylgir nú þeirri bráðskemmtilegu bók eftir með magnaðri frásögn af glímu óreynds ferðalangs við framandi tungumál, endalausar eyðimerkur, torkennileg skordýr, lamandi vatnsskort og sína heimatilbúnu fordóma.