Mundos nuevos 2 er kennsluefni í spænsku fyrir framhaldsskóla sem fylgir Mundso nuevos 1 eftir. Efnið er miðað við nemendur sem hafa lokið tveimur áföngum í spænsku og er mikil áhersla lögð á að öll framsetning endurspegli fjölbreytileika hins spænskumælandi heims. Kennsluefnið er samsett eins og áður, þ.e. af lesbók, vinnubók og hlustunarefni á geisladiski. Einnig er boðið upp á sérstakt hlustunarefni fyrir kennara.

Lesbókin skiptist í 35 leskafla - unidades - með orðskýringum á spássíum. Hlutfall t exta á spænsku í þessari bók er hærra en í fyrri bókinni og æfð eru grundvallaratriði í málinu með ýmiss konar textum og verkefnum. Efnið er byggt upp þannig að ólíkir hópar nemenda eiga að geta unnið á ólíkan hátt og á mismiklum hraða. Í bókarlok er spænsk-íslenskur orðalisti.

Lesbókinni fylgir geisladiskur með hlustunarefni.