Þýðingar á verkum Rumi hafa síðastliðna áratugi leitt til vaxandi vinsælda hans um heim allan. Með þessu ljóðasafni býðst íslenskum lesendum í fyrsta sinn heildstætt úrval af ljóðum Rumi í vönduðum íslenskum þýðingum Kristins Árnasonar. –

Jalaluddin Rumi (1207-1273) er af mörgum álitinn merkasta skáld persneskrar og súfískrar ljóðahefðar. Rumi brýnir lesandann til sjálfsskoðunar og tekst á við eðli mannlegrar vitundar, ástar og fegurðar. Ljóðin bera með sér andlega dulúð og dýpt í ætt við austræna speki, og líka einstakan léttleika og fögnuð.