Það er margt í eðli kattarins sem við mannfólkið getum lært af og í þessari fallegu bók fáum við innsýn í lífsspeki þess sem virkilega kann að njóta tilverunnar.

Kötturinn er sáttur í hverju augnabliki og sjálfum sér nægur. Engar skyldur aðrar en að líða vel. Engin þörf fyrir vinsældir eða að þóknast einum né neinum. Í því felst mikið frelsi. Líki honum ekki staðurinn eða stundin yfirgefur hann einfaldlega svæðið – eða leggur sig og vaknar svo glaður af værum blundi.

Að njóta lífsins til hins ítrasta er kettinum í blóð borið. Þessi fallega bók er tilvalin fyrir alla þá sem vilja læra af þeim sem listina kann!