Landnám – ævisaga Gunnars Gunnarssonar
| Gerð | Útgáfuár | Síður | Verð | Magn | |
|---|---|---|---|---|---|
| Innbundin | 2011 | 535 | 4.140 kr. |
Landnám – ævisaga Gunnars Gunnarssonar
4.140 kr.
Bæta á óskalistaEr á óskalista Bæta á óskalista
| Gerð | Útgáfuár | Síður | Verð | Magn | |
|---|---|---|---|---|---|
| Innbundin | 2011 | 535 | 4.140 kr. |
Um bókina
Tilnefnd til Íslensku bókmenntaverðlaunanna 2011
Tilnefnd til Hagþenkisverðlaunanna 2011
Gunnar Gunnarsson var einn mest lesni íslenski rithöfundurinn á 20. öld en líf hans var markað skörpum mótsögnum. Hann var friðarsinni en studdi þó forystumenn hugmyndafræði sem kallaði yfir heiminn blóðugt stríð og skipulagða útrýmingu milljóna manna. Hann var mikill fjölskyldumaður – samt átti hann í eldheitu ástarsambandi við aðra konu og eignaðist með henni barn. Hann seldi fleiri bækur í Evrópu en nokkur annar íslenskur höfundur á sínum tíma en yfirgaf meginlandið til að gerast bóndi í íslenskri sveit. Viðfangsefni hans voru alla tíð tengd íslensku þjóðerni og íslenskri menningu – samt verða hvorki ævi hans né verk skilin nema sífellt sé haft í huga að hann skrifaði öll helstu verk sín á dönsku.
Jón Yngvi Jóhannsson byggir ævisögu Gunnars á umfangsmikilli könnun heimilda, fyrst og fremst íslenskra og danskra en einnig um samskipti Gunnars við þýskan bókmenntaheim og þýsk yfirvöld. Hann fjallar hispurslaust um einkalíf Gunnars og tekur skáldverk hans til rækilegrar umfjöllunar og endurmats.
7 umsagnir um Landnám – ævisaga Gunnars Gunnarssonar
Árni Þór –
„Ævisagan er stór að vöxtum og ætti að hleypa nýju blóði í lestur og umfjöllun á verkum hans. Hún er unnin af nákvæmni, alúð en dregur hvergi dul á bresti Gunnars …“
Páll Baldvin Baldvinsson / Fréttatíminn
Árni Þór –
„Bók Jóns Yngva Jóhannssonar um Gunnar Gunnarsson er sannarlega þrekvirki og mikilvægur menningarsögulegur viðburður.”
Svavar Gestsson / svavar.is
Árni Þór –
„Gríðarlega vel heppnað verk.“
Kolbrún Bergþórsdóttir / Kiljan
Árni Þór –
„Að öllu leyti mjög vel heppnað verk, vandlega unnið og fallega frá gengið.“
Páll Baldvin Baldvinsson / Kiljan
Árni Þór –
„Eitt einkenni ævisögunnar er sú yfirsýn sem Jón Yngvi hefur yfir fræðin og hæfileiki hans til að vinna lykilatriði þeirra inn í frásögn sína á máta sem dýpkar verkið og gefur því teóríska vídd, án þess þó að skyggi nokkuð á hið almenna ævisöguform. Þar stígur Jón Yngvi fram með vandaðar og vel rökstuddar greiningar á merkingarheimi lykilskáldverka Gunnars, en stundum hefur nokkuð skort á bókmenntafræðilegan skilning ævisagnaritara skálda á Íslandi. Á heildina litið er hér því á ferðinni einkar vel unnin ævisaga sem jafnframt er áhugaverð og grípandi lesning.”
Björn Þór Vilhjálmsson / Víðsjá
Árni Þór –
„Landnám, ævisaga Gunnars Gunnarssonar er yfirgripsmikil og nærfærin ævisaga Gunnars Gunnarssonar. Hún er unnin af vandvirkni og gagnrýnni hugsun og veitir okkur góða innsýn í ævi Gunnars og höfundarverk.“
Skafti Þ. Halldórsson / Morgunblaðið
Árni Þór –
„Landnám er einstaklega góð greining á verkum Gunnars Gunnarssonar, sem og lífsskoðunum hans og persónuleika. Lesandi skilur ekki einungis höfundarverk skáldsins betur eftir að hafa lesið þessa bók, heldur er hann einnig nokkurs vísari um mannlegt eðli … Stórmerkileg ævisaga, samin af heiðarleika og djúpri sannleiksþrá.“
Þórunn Hrefna Sigurjónsdóttir / Fréttablaðið