Hermdar- og hryðjuverk, netárásir, hefðbundnar hernaðarógnir, jafnvel alvarlegar truflanir á samgöngum vegna veðurs; hvernig er Ísland í stakk búið að verjast þessum ógnum? Hvað ef Atlantshafsbandalagið hætti að starfa og varnarsamningi Íslands og Bandaríkjanna yrði sagt upp? Í bókinni Íslenskur her fjallar Arnór Sigurjónsson, sérfræðingur í varnarmálum, um nauðsyn þess að hér sé innlendur varnarher í samvinnu við aðrar þjóðir, fyrir öryggi og sjálfstæði þjóðarinnar. Hann bendir á mikilvægi þess að hlutverk öryggisvarna og varnarhers séu rædd af yfirvegun og fordómaleysi og nauðsynlegar úrbætur gerðar.