Í þessari handhægu bók er gert grein fyrir lækningamætti íslenskra jurta og úrvali erlendra lækningajurta sem nálgast má hér á landi.

Vissir þú að…

• beitilyngste er frábært gegn svefnleysi?
• gleym-mér-ei er góð á brunasár?
• ilmreyr nýtist vel gegn frjókornaofnæmi?
• söl virkar vel við timburmönnum?

Fjallað er um einkenni jurtanna og hvar þær er að finna, hvaða hlutar þeirra nýtast best til lækninga, virk efni í þeim og áhrif þeirra á mannslíkamann og gegn hvaða kvillum jurtalyf hafa reynst best. Auk þess prýða bókina á þriðja hundrað ljósmyndir í lit af öllum jurtum. Þá er hinum fornu fræðum kínverskra jurtalækninga gerð skil og þau tengd við jurtirnar sem fjallað er um í bókinni.

Íslenskar lækningajurtir kom fyrst út fyrir um 20 árum og hefur verið endurútgefin nokkrum sinnum óbreytt enda verið feikilega vinsæl. Nú kemur bókin út í nýrri mynd, rækilega uppfærð og endurskoðuð með viðbót um kínverskar lækningar.

Höfundur bókarinnar, Arnbjörg Linda Jóhannsdóttir, nam grasalækningar og síðar kínverskar lækningar og nálastungulækningar á Englandi. Hún hefur starfað við grasa- og nálastungulækningar hér á landi og erlendis um árabil.

*****

„Bók Arnbjargar Lindu er mikill kostagripur um græðandi jurtir og gefandi. [Bókin er] skýr og skilmerkilegur leiðarvísir.“

Páll Baldvin Baldvinsson / Fréttatíminn