Íslenska þrjú er kennslubók fyrir framhaldsskóla. Íslenskar fornbókmenntir og erindi þeirra við okkar tíma eru viðfangsefni bókarinnar. Því hentar hún til kennslu í ÍSL 303 í áfangaskólum og samsvarandi bekkjum í bekkjaskólum.

Bókin var samin út frá sömu hugmyndafræði um heildstæða móðurmálskennslu og lögð var til grundvallar í Íslensku eitt og Íslensku tvö eftir sömu höfunda. Þótt bókin sé hugsuð sem eðlilegt framhald þeirra bóka gagnast hún ekkert síður í skólum sem nota annað efni á fyrsta námsári.

Bókin er hvort tveggja í senn, kennslubók og sýnisbók. Í henni eru dæmi um flestar greinar fornbókmennta og bókmenntasögulegur fróðleikur. Þá eru í bókinni verkefni sem þjálfa flesta þætti íslenskunámsins. Kaflar bókarinnar eru þematískir og lögð er áhersla á að kynna fjölbreytni íslenskra fornbókmennta, bæði hvað efni og form snertir.

Höfundar bókarinnar eru íslenskukennarar í Menntaskólanum við Hamrahlíð og hafa allir langa kennslureynslu að baki.

Kennsluleiðbeiningar má nálgast með því að senda póst á oddny@forlagid.is eða laufey@forlagid.is.