Í landi karlmanna eftir Hisham Matar er fyrsta bók höfundar sem hefur hlotið vægast sagt góðar móttökur, enda afar átakanleg og falleg í senn. Hún var meðal annars tilnefnd til Booker-verðlaunanna 2006 og Guardian-verðlaunanna 2006. Ísak Harðarson þýðir.

Suleiman er níu ára drengur sem býr í Trípólí undir ógnarstjórn Gaddafis einvalds í Líbýu á áttunda áratugnum. Einn daginn er nágranni fjölskyldunnar dreginn á brott af svartklæddum útsendurum Gaddafis og smám saman rennur upp fyrir Suleiman að þeir hafa líka illan bifur á föður hans.

Pískrið og óttinn magnast allt í kringum Suleiman og honum er ekki mikill stuðningur í móður sinni sem er ráðvillt, drykkfelld og bitur eftir að hafa verið gefin sér tvöfalt eldri manni, aðeins fjórtán ára gömul.

„Í landi karlmanna er grimm og eftirminnileg saga um svik og sekt og lífsháska, um mannlegt eðli á ógnartímum.“
Steinunn Inga Óttarsdóttir / Mbl

„Virkilega góð bók ... minnir mann í mörgu á Flugdrekahlauparann. Maður sekkur algjörlega inn í þennan heim ... mig langaði ekki að leggja hana frá mér. Án alls efa besta bókin af þeim sem ég hef lesið þetta árið.“
Kolbrún Ósk Skaftadóttir / Eymundsson


„Í landi karlmanna er kraftmikil skáldsaga og gefur næma sýn á átök manna um heim allan, fyrirgefningu og ást.“
The Observer

[Domar]

"Meistaralega skrifuð, lýsandi, ljóðræn og nosturslega ofin. Efnileg og hrífandi frumraun."
Times Literary Supplement

"Gríðarlega sorgleg saga af ást og missi ... frábærlega skrifuð og kallar fram andvarp og aðdáun."
The Scotsman

"Matar finnur fegurð í lamandi ótta og missi."
Publishers Weekly

"Sorgleg, falleg bók."
The Washington Post

"Glæsileg ... uppfull af sannleika: Því meira sem lesandinn les, því sannfærðari verður hann um að verið sé að lýsa æsku hans sjálfs."
Nadeem Aslam

"Stórmerkileg saga um barn sem vaknar til vitundar um ógnarstjórn Gaddafis á áttunda áratugnum. Óttaleg og aðdáunarverð."
The Bookseller

"Hjartnæm og merkileg frumraun."
The Guardian

"Falleg ... hófstilltur en þó ljóðrænn stíll Matars minnir á J.M. Coetzee."
The Boston Globe

"... ekki bara saga af landi í vanda heldur líka ótrúlega blæbrigðarík frásögn af erfiðum samskiptum innan fjölskyldunnar og berskjaldaðri barnæsku."
The Independent

"Í landi karlmanna er sláandi bók, þrungin tilfinningum og frábærlega skrifuð."
Christian Science Monitor

[/Domar]