Louise Åkerblom hefur gufað upp – tveggja barna móðir, sannkristin kona í farsælu hjónabandi og duglegur fasteignasali. Þegar Kurt Wallander og félagar hans í lögreglunni komast á slóð hennar úti í skógi springur hús í grenndinni í loft upp og skömmu síðar finna þeir afhöggvinn fingur af blökkumanni. Hér er ofinn mikill vefur launráða og samsæris sem teygir sig yfir heimsálfurnar. Henning Mankell er einn frægasti glæpasagnahöfundur í Evrópu og bækur hans um Kurt Wallander lögreglufulltrúa njóta mikilla vinsælda á Íslandi.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er 19 klukkustundir og 11 mínútur að lengd. Haraldur Ari Stefánsson les.