Stefán er ósköp venjulegur strákur sem hefur gaman af að hjóla með vinum sínum og fara í fótbolta og sund. Hann er dálítill prakkari en oftast í góðu skapi. En einu sinni leið honum ekki vel í langan tíma. Foreldrar hans slitu samvistum og pabbi flutti til annarrar konu. Skilnaður er sár fyrir alla, kannski sárastur fyrir börnin, en stundum er hann eina lausnin og öllum líður betur þegar hann er afstaðinn. Svoleiðis var það hjá Stefáni. Einn góðan veðurdag tók hann gleði sína á ný. Hann á líka ennþá bæði pabba og mömmu þó að þau búi ekki lengur saman.

Þessi áhrifaríka saga er góð samlestrarbók fyrir börn og foreldra sem standa í líkum sporum og Stefán og fjölskylda hans, en jafnframt notaleg frásögn fyrir hvern sem er.