Þetta er þriðja Hjólabókin sem kemur út. Hún fjallar um Suðvesturland. Í mesta þéttbýli landsins og í nágrenni þess er fjöldinn allur af spennandi leiðum fyrir hjólreiðafólk.

Hér er lýst tólf hjólreiðaleiðum, auðveldum og erfiðum, sem eiga það sameiginlegt að þær liggja í hring og að hægt er að loka hringnum á einum degi. Hverri leiðarlýsingu fylgja tillögur að fleiri ferðum. Staðbundnir fróðleiksmolar um land og þjóð eru með hverjum kafla.

Helstu hagnýtu upplýsingar um hverja leið eru útlistaðar í máli og á kortum. Allar leiðirnar eru teiknaðar með litaskala sem útskýrir hve brattinn er mikill. Rúmlega 200 ljósmyndir gefa innsýn í landshlutann, hvernig þar er umhorfs og hverskonar vegir og stígar bíða lesenda.

Góða ferð.