Safn þýðinga Aðalsteins á ljóðum hjaltlenskra samtímaskálda. Skáldin sem birtast hér í þýðingu eru: Christine de Luca, Jim Moncrieff, Laureen Johnson, Jim Mainland, Donald S. Murray, Robert Alan Jamieson, James Sinclair, Paolo Ritch, Alex Cluness, Lise Sinclair og Jen Hadfield.

Frumtextarnir eru prentaðir við hlið þýðinganna.

Hjaltlandsljóð er veglegt, tvímála safn ljóða úr smiðju helstu samtímaskálda frá Hjaltlandseyjum. Þar um slóðir er töluð mállýska sem á rætur að rekja til norræns tungumáls sem nú er glatað, en lifir þó í örnefnum og stöku orðasamböndum á eyjum fyrir norðan Skotland.

Aðalsteinn Ásberg Sigurðsson valdi og íslenskaði ljóðin, en kynni hans af skáldskap þessa málsvæðis eiga sér langa sögu og í eftirmála gerir hann grein fyrir bókmenntum Hjaltlendinga.