Nova og Mal ólust upp saman og voru óaðskiljanleg. Nú búa þau hvort í sinni borginni og hafa ekki talast við í átta ár. Mal og konan hans lifa barnlausu og að því er virðist áhyggjulausu lífi í London en Nova situr yfir syni sínum sem sefur dásvefni á sjúkrahúsi í Brighton.

Leyndarmálið sem olli vinslitunum víkur aldrei úr huga þeirra. Enginn veit hvort Leo litli vaknar aftur. Um leið og glufa kemur í þagnarhjúpinn sem umlykur fullorðna fólkið verður ómögulegt að halda gömlum draugum í skefjum…

Góða nótt, yndið mitt er hrífandi saga eftir metsöluhöfund bókarinnar Dóttir hennar, dóttir mín.

Halla Sverrisdóttir þýddi.

„Mér finnst þessi bók algjörlega dásamleg, persónurnar voru svo fallegar og ef maður hefði kosti frá öllum þessum persónum í fari sínu þá væri maður á grænni grein. Mæli einlægt með bókinni og vona sannarlega að það komi önnur á eftir þessari. Þetta er ein af þessum bókum sem maður getur sagst þykja vænt um.“
Kolbrún Skaftadóttir /

„Varaðu fjölskyldu og vini við því að þú verðir óviðræðuhæf klukkutímum saman, kannski í einn eða tvo daga, komdu þér svo þægilega fyrir og njóttu!“
New Books Magazine

„Kauptu hana, lestu hana, elskaðu hana.“
Daily Record