Skuggaúrið er æsispennandi og bráðfyndin bók fyrir krakka á aldrinum 8-13 ára um Fjóla Fífils einkaspæjara, sérfræðing í fingrafaraleit og meistara í fótsporafræðum.

Morguninn eftir að Fjóli útskrifast úr Einkaspæjaraskóla Sumarliða kemur fyrsta dularfulla sakamálið upp í hendurnar á honum: stórhættulegt gullúr er horfið sporlaust af Heimsminjasafninu. Ásamt aðstoðarmönnum sínum, þeim Pedró Almarilló (sem er suðrænn, blóðheitur og kjaftfor tilraunahamstur með stórmennskubrjálæði) og Fornfríði Filippusdóttur fræknu (heimsminjaverði og ofvita) býr hann sig undir að leysa ráðgátuna eins og sönnum spæjara einum er lagið!

Hér er allt sem ungir lesendur geta óskað sér: Lífsháski, ferðalög til framandi heimshluta, forhertir glæpamenn, svik og prettir, stórhættuleg dýr og tvísýnt lokauppgjör.

Skuggaúrið er fyrsta bók Kristjönu Friðbjörnsdóttur. Teikningar gerði Ingi Jensson.

„Grín og gaman í hverri setningu ... sem féll í kramið hjá undirritaðri. Það munu lesendur á aldrinum 8-11 ára áreiðanlega taka undir.“
Hildur Loftsdóttir / Morgunblaðið

[dómar]

„Hér er á ferðinni bók ætluð börnum sem geta lesið sjálf og hafa gaman af ærslafullum sögum og fyndnum texta. Bókin er hressandi lesning laus við allan boðskap, skemmtileg teiknimyndasaga í samfelldum texta.“
Hildur Heimisdóttir / Fréttablaðið

[/dómar]