í fréttinni stendur að margar tegundir hverfi

áður en vísindamenn uppgötvi þær

það er sem sagt til líf í meinum

utan við mannkynssöguna

ég ýti á takkann á hliðinni á símanum

takkann sem drekkir öllum vondum fréttum

í speglandi myrkri

út undan mér heyri ég dóttur mína þjóta af stað

niður rennibrautina

hún skrækir af fögnuði

fullviss um að eitthvað stórkostlegt sé í vændum

eftir hálft ár mun hún eignast lítinn bróður

Dagur Hjartarson er fæddur á Fáskrúðsfirði árið 1986. Hann fékk Bókmenntaverðlaun Tómasar Guðmundssonar árið 2012 fyrir sína fyrstu ljóðabók og Ljóðstaf Jóns úr Vör árið 2016. Þá var Dagur tilnefndur til Bókmenntaverðlauna Evrópusambandsins árið 2017. Fjölskyldulíf á jörðinni er áttunda bók hans.