Þú ert 17 ára. Það er sumar og allt lítur eins út og venjulega. En allir vita hvað er framundan. Eftir aðeins rúman mánuð skellur halastjarna á jörðina og við munum öll hverfa. Hvernig viltu eyða síðustu vikunum? Og með hverjum viltu vera þegar allt tekur enda?

Endalokin er hamfarasaga sem fjallar um tvö einmana ungmenni sem búa í heimi sem fengið hefur stuttan gálgafrest. Örlög þeirra tvinnast saman þegar manneskja sem tengist þeim báðum finnst látin. Munu þau fá svör við spurningunum sínum áður en himinninn verður hvítur og höfin gufa upp?

Endalokin er fyrsta saga hins sænska höfundar Mats Strandberg fyrir ungmenni. Bókin hefur verið þýdd á fjölmörg tungumál og farið sigurför um heiminn.