Einhver Ekkineinsdóttir er 8 ára stúlka. Henni er strítt á því að hún eigi engan pabba svo hún biður móður sína um nesti og heldur af stað út í heim að leita hans. Á leið sinni lendir hún í ýmsum ævintýrum og heyrir margar sögur af föður sínum.

Bókin kom fyrst út í Eistlandi árið 2012 og fékk góða dóma fyrir að höfða til allra aldurshópa. Bókina prýða myndir eftir Marge Nelk og er hún sannkallað augnayndi.

Kätlin Kaldmaa er eistneskur höfundur sem dvalið hefur langdvölum á Íslandi. Ævintýraheim sögunnar vinnur hún að hluta til upp úr íslenskum, eistneskum og rússneskum þjóðsögum.