Fátt er ánægjulegra en að prófa nýja og gómsæta rétti þar sem áherslan er á hollustu. Hér opnar Solla nýjar víddir í gerð eftirrétta og sælgætis, bæði fyrir þá sem aðhyllast hráfæði og alla aðra sem hafa áhuga á heilbrigði og næringu og vilja gera vel við sig.

Hér er að finna uppskriftir að margvíslegu góðgæti með áherslu á gott og hollt hráefni sem farið er ítarlega yfir í inngangi. Allir ættu að geta útbúið brownies, litlar og stórar bökur, konfektkúlur, smákökur, múffur, bollakökur, ís og súkkulaði að hætti Sollu.

Hráfæði nýtur sífellt meiri vinsælda og þar er Sólveig Eiríksdóttir í fararbroddi, hérlendis sem erlendis. Í samkeppni bestu hráfæðiskokka heims 2012 vann hún til tvennra verðlauna og var útnefnd bæði Raw Vegan Simple Chef og Gourmet Raw Chef. Hún rekur ásamt eiginmanni sínum veitingastaðinn Gló, þar sem boðið er upp á góm­sætt hráfæði.