Eðli vísinda – Inngangur að eðlis- og efnafræði er ætluð fyrir áfangann NÁT 123 á framhaldsskólastigi þar sem orka og efni eru í brennidepli.

Hér er fyrst fjallað um vísindi og vísindalega aðferðafræði en síðan tekið til við grunnatriði fræðigreinanna tveggja. Lögmál um hreyfingu, kraft og massa og tengd hugtök eru tekin fyrir og síðan víkur sögunni að þeirri orku sem knýr veröldina. Jafnframt er nýting orku skoðuð og orkuframleiðsla af ýmsu tagi. Efnin allt í kringum okkur eru krufin til mergjar, atómið skoðað og lotukerfið útskýrt. Umfjöllun er um hugtök eins og frumefni, efnasamband, efnablöndu, jónir, sameindir og efnahvörf. Markmiðslýsing í upphafi hvers kafla, lykilorð og fjöldi verkefna styður nemendur í náminu.

Hér er lagður traustur grunnur að frekara námi í eðlis- og efnafræði en jafnframt kappkostað að tengja fræðin við náttúru, umhverfi og tækni og glæða þannig skilning nemenda á því að lögmál fræðanna eru alls staðar að verki.

Nemendasvæði bókarinnar má nálgast hér.

Höfundar bókarinnar eru framhaldsskólakennarar.