Allar þrjár bækurnar í Dimmuþríleikunum eftir Aðalstein Ásberg Sigurðsson.

1 – Brúin yfir Dimmu
Á bökkum hinnar illúðlegu Dimmu hafa vöðlungar búið um langan aldur. Friðsöm fjölskyldan í Stöpli er þar engin undantekning, en dag einn verða óvæntir atburðir til þess að hreyfa við yngstu kynslóðinni. Kraki, Míría og Pói litli komast að gömlu leyndarmáli sem opnar þeim leiðina yfir brúna á Dimmu og inn í Myrkland þar sem mannfólkið skelfilega ræður ríkjum.

2 – Ljósin í Dimmuborg
Dimmuborg í Mángalíu er lífleg og hrífandi, en samt er eitthvað öðruvísi en það á að vera. Drungi og myrkur hefur lagst yfir borgina og íbúar hennar óttast hið versta. Draumar og dularfullt kort ásamt leiðsögn um gamlar ferðaleiðir eru meðal þess sem vöðlungarnir snjöllu, Míría, Kraki og Pói, geta notfært sér við leitina að ljósorkusteininum.

3 – Dimmubókin
Þegar Addi verður þess áskynja í skemmtiferð til Írlands að til er ævafornt handrit sem heitir Dimmubókin telur hann víst að það hljóti að tengjast sögunum um vöðlunga og Mángalíu. Allsendis óvænt lendir hann á framandi slóðum, kynnist hinni munaðarlausu Kríu og upplifir töframátt orða. Í sameiningu tekst þeim að rekja sig áfram til landsins sem geymir leyndardóma fortíðar, en svo er spurning hvort leiðin heim reynist jafn greiðfær

Myndlýsingar: Högni Sigurþórsson