Dauði skógar
| Gerð | Útgáfuár | Síður | Verð | Magn | |
|---|---|---|---|---|---|
| Rafbók | 2020 | 1.490 kr. | |||
| Innbundin | 2020 | 180 | 3.490 kr. | ||
| Hljóðbók - streymi | 2020 | App | 3.990 kr. |
| Gerð | Útgáfuár | Síður | Verð | Magn | |
|---|---|---|---|---|---|
| Rafbók | 2020 | 1.490 kr. | |||
| Innbundin | 2020 | 180 | 3.490 kr. | ||
| Hljóðbók - streymi | 2020 | App | 3.990 kr. |
Um bókina
Ég ímynda mér að ég þjóti á mótorhjóli í gegnum nóttina. Að ég keyri út úr bænum og láti mig hverfa inn í myrkrið. Reyndar er ég svo gott sem horfinn. Þess vegna fór ég til Spánar, til að hverfa.
Það hefur rignt linnulaust í marga daga þegar skógurinn rennur niður hlíðina og setur allt af stað í lífi landeigandans og fjölskylduföðurins Magnúsar. Litlu seinna koma sprengjurnar í ljós.
Dauði skógar er launfyndin og margræð saga um það þegar hversdagurinn fer á hvolf og dauðinn ber að dyrum. Fyrri skáldsögur Jónasar Reynis Gunnarssonar, Millilending og Krossfiskar, vöktu mikla athygli og var sú fyrri tilnefnd til Menningarverðlauna DV. Fyrir ljóðabókina Stór olíuskip hlaut hann Bókmenntaverðlaun Tómasar Guðmundssonar og Maístjörnuna fyrir Þvottadag.
ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.
Hljóðbókin er 3 klukkustundir og 57 mínútur að lengd. Stefán Hallur Stefánsson les.
Hér má hlusta á fyrsta kafla hljóðbókarinnar:
7 umsagnir um Dauði skógar
embla –
„Jónas Reynir Gunnarsson tæpir á helstu málum samtímans í þessari þriðju skáldsögu sinni. Fjallað er á margræðan hátt um tengsl náttúru og manns, innri átök hans og hið óumflýjanlega í tilverunni.“
Umsögn dómnefndar / Íslensku bókmenntaverðlaunin
embla –
„En þrátt fyrir húmorinn og íronískar þversagnirnar er þetta samt saga um sorg og frásögnin sjálf er einhvern veginn eins og úrvinnsla á hinu óumflýjanlega, hún er eins og samningur við hverfulleika lífsins, manns sjálfs, ástvina og meira að segja jarðarinnar.“
Gauti Kristmannsson / Víðsjá
embla –
„Launfyndin og skemmtileg saga af fjölskylduföður þegar allt líf hans fer á hvolf.“
Óttar Kolbeinsson Proppé / Fréttablaðið
embla –
„En svo er hún svo launfyndin. Það var ekki beina framvindan sem heillaði mig heldur allt sem var undirliggjandi.“
Kolbrún Bergþórsdóttir / Kiljan
embla –
„Þetta er bók sem ég ætla að lesa aftur.“
Skúffuskáld
embla –
„Dauði skógar er óvenjuleg en vel skrifuð bók sem heldur manni í óvissu allan tímann. Allt fer úr böndunum hjá Magnúsi því hann kann ekki að eiga við vandamál sín á heilbrigðan hátt. Það er bæði sorglegt og stundum fyndið að fylgjast með lífi greyið mannsins en oftast getur hann sjálfum sér um kennt.“
Rebekka Sif Stefánsdóttir / Lestrarklefinn
embla –
„Bókina er erfitt að leggja frá sér og Jónasi Reyni tekst að hrífa lesandann og vekja spennu um það sem gerist næst.“
Ragnhildur Þrastardóttir / Morgunblaðið