Ólafía Arndís er með eindæmum óheppin með foreldra! Eftir að hafa pínt hana til að verja heilu sumri í Flatey ákveða þau (næstum) fyrirvaralaust að keyra yfir hálft landið og setjast að á Dalvík. Þá er eins gott að Ólafía er byrjuð að skrifa dagbók sem hún getur treyst fyrir vandræðum sínum og háleynilegum áformum um flótta.

Lesendur þekkja Kristjönu Friðbjörnsdóttur af bókunum um spæjarann Fjóla Fífils og fyrir síðustu bók sína, Flateyjarbréfin, hlaut hún Barnabókaverðlaun menntaráðs Reykjavíkur vorið 2011. Þetta er fjörug og skemmtileg saga um sömu persónur fyrir lesendur á aldrinum 7–12 ára.

Margrét E. Laxness myndskreytti.

httpv://www.youtube.com/watch?v=Nz7ycs_ysKU

– oOo –

httpv://www.youtube.com/watch?v=xhP70pLaFTw

*****
„Þetta er skemmtilestur, sögukonan er dekruð og djörf, feimin og frek ... Fínt lesefni fyrir stráka og stelpur frá 7 til 12.“
Páll Baldvin Baldvinsson / Fréttatíminn

„Persónusköpun Kristjönu er virkilega góð, hvort sem um er að ræða börn eða fullorðna. Ólafía er sannfærandi 12 ára stelpa, athugul og komin með smágelgjustæla."
Ingveldur Geirsdóttir / Morgunblaðið

„Frásögnin er hröð og létt og alveg bráðfyndin á köflum. Þrátt fyrir léttleikan er ljóst að alvara lífsins er skammt undan en með bjartsýni og fjörugu ímyndunarafli tekst Ólafía Arndís á við lífið. Stundum þarf hún smá aðstoð við að ráða fram úr hlutunum en það er líka bara hið besta mál.“
María Bjarkadóttir / Bókmenntavefurinn (www.bokmenntir.is)