Borgin hló er fyrsta ljóðabók Matthíasar Johannessen.

Hún kom fyrst út árið 1958 en er nú endurútgefin í tilefni af 40 ára rithöfundarafmæli hans. Matthías færði nýja strauma inn í íslenskt bókmenntalíf og tókst á við að lýsa nýjum veruleika borgarinnar. Hann var í hópi þeirra sem umbyltu íslenski ljóðagerð á sjötta áratugnum og ruddu brautina fyrir þá sem á eftir komu.

Bókin bar í sér mikil fyrirheit , enda sýndu ljóðin óvenu þroskað skáld. Þau hafa staðist tímans tönn ótrúlega vel og gætu hæglega verið ort af ungu skáldi í nútímanum.